{{نقل محادثة الواتس آب إلى⬅️ التيليجرام }}⁉️

كل حدا فينا صار عندو اكتر من تطبيق مراسلة على موبايلو📲
ووقت بيروحو المحادثات
منحس شي وطار من بين ايدينا😔

خاصة اذا فيهن مستمسكات 😜 فهمتو عليي 😉

بقى كيف اذا نقلنا من برنامج للتاني
متل يلي عم يغير بيتو 😂

يعني إذا بيوم من الأيام اضطريت انك تخون <الواتس آب > مع زميلو <التيليجرام> لااااا تتردد 😁

لانو الخائن عفوا🙈 《التيليجرام》

عندو قدرة انو يسترد محادثاتك عالواتس 😳
يعني فوق الخيانة قوي كمان 🙄

وبينقلك كل المحادثات الفردية والجماعية ✔️
يعني اطمنو كروبات العيلة

بنات خالتي
وعيلتي سر سعادتي 👨‍👩‍👦‍👦
كلها مالح تفارقك 😊

🔴خطوات النقل:

▪️1/ افتح الواتس
▪️2/ انتقل الى الدردشة
▪️3/ أيقونة الثلاث نقط في الزاوية العليا
▪️4/ انتقل الى المزيد
▪️5/ اضغط على خيار نقل الدردشة

وفينا ننقل المحادثة مع الصور أو بدونها ✔️

▪️6/ منحدد تطبيق التيليجرام من أيقونة المشاركة يلي لح تظهرلنا

وهيك تمت عملية الخيانة بنجاح ✔️😊

وهلئ هيك انتقلنا< للتيليجرام >
وشو منعمل يا حزركن ❓❗️

▪️1/ منحدد جهة الاتصال

🔴مثال: نقلنا محادثة علاء من الواتس منبحث بالتيليجرام عنفس المحادثة

▪️2/ بعد تحديد جهة الاتصال
الواتس تلقائيا لح ينقل كل شي لزميلو (الخائن ) التيليجرام😆

🔴ملاحظة 🔴

مافينا ننقل كل المحادثات دفعة وحدة
لازم محادثة محادثة 😊

وهيك كانت خطواتنا بسيطة 😊

دمتم بخير 💜🥰